Rajo Xumi Ha Muujin Raaxo Way Kuu Danbeyn!

Inkastoo Allaah SWT qorsheeyay ruux waliba waxuu noqon lahaa, iyo waqtiga uu noolaan lahaa, hadana aduunyada aynu kunoolnahay waxaa la iskudhaafaa  dadaal,  karti,  hammi fog,  samir iyo dulqaad. Ruux waliba oo dunida kunool waxbuu kuhammiyaa, waxuuna isku hoowlaa siduu kugaari lahaa hammigiisa, waxaa jiro caqabado badan oo ka hor imaankaro, ruux baa hammi wayn kaleh dunida laakiin aysan usaamaxaynin daruufo haysto aawadood iyo jawi nololeedkiisa, majiro ruux u dhashay inuu noqdo ruux aan si wanaagsanayn  ufakara oo dadka iyo duunyadaba dhibateeya, waxaa jiro sababo ugeeyay inuu noqdo ruux nuucaas ah qaddarta Allaah ka sokoow.

Markaad u fiirsatid xaladda dalkeena hooyo waxaad is weydiineysaa, maxay tahay sababta dadka  fakarka qaldan ka haysta nolosha ugu so badanayaan waddanka?  Maxaa xal looheli la’yahay?   Maxey hareerehayna uga muuqdaan waxyaabaha dib udhaca inoo horseedaya oo naga hor istaagaya hiigsiga hadafyadeena?

Haddaba su’aalahaan  jawaabahooda  hadaan kucabirno waddankeena Soomaliya, tusaale ruux kadhashay qoys sabool ah oo aan haysanin wax kabadan nolol maalmeedkooda oo lagayaabo inay si dhib ah kusoohelayaan xattaa waxay cuni lahaayen maalintii halmar ama laba mar, markuu arko/aragto wiil/gabar asaagiis/geed ah oo labbisan una socdo/socoto iskuul maxay dareemayaan?

 Adiguba iska sooqaade Waxaad dareemaysa niyad jab iyo inaanba laguu qorrin inaad kunoolaatid nolol wanaagsan, islamarkiiba waxaad bilaabaysaa inaad ku fakartid waxyaaba aan wanagsaneyn, sida inaad ka quusatid nolosha dhankeeda wanaagsan una janjeersatid dhankeeda aan wanaagsanayn, inaad ku noolaatid nolol aad uliidato oo aad sabab unoqotid inaad dunida kusobiirisid ubad kunoolaan doono nolosha hadda adiga kubaday inaad gasho xaaladaan raja beelka ah, inaad tahriibtid oo aad noloshaada kuhaligtid badda. waasa hadii aysan jirin diin iyo iimaan ku celinaya.

 Nooluhu wuu kala samir iyo dulqaad badanyahay qof kasto  oo naga mid ahna xagal ayuu ka eegaa nolosha oo isku si looma wada fiiriyo, laakiin waxaa laga simanyahay in ruux walbo uu ku hamminayo nolol qurux badan inuu ku helo koonkan aynu kunolnahay.

Inta badan dhalinta ama carruurta ay qabsato xaaladan oo kale (Raja xumi) waxay dan moodaan isticmaalida waxyaabaha maanka dooriya sida cabidda xashiika iyo cunidda qaadka, koolada iwm, si ay isku ilaawsiiyaan noloshaan ula muuqato mid wax rajo ah aanan u muujin oo ka eexatay, iyo in ay bilaabaan la rafiiqista dadka asaagooda  ah oo sida ayaga horay uga sooquustay nolosha, waxaa kale oo ay door bidaan ineey qori qaadaan, inuu kusoo koobmo hadafkooda oo idil dhibaateynta dadka, iwm. ileen ruux aan tiisu uquruxsanayn tu kaleeto uma naxee, Waa hubaal in ay kamaarmi lahaayeen haddii Allaah SWT abuuray ayaga dunidan keenay  ay xasuusan lahaayeen ,naxariistiisana aysan ka quusan laheyn, karti yar isgeliyaan , noloshana ka muujiyaan rajo wanaagsan samir iyo dulqaadna ay kaashadaan.  Nasiib xumo inta badan way la fogaataa waxayna gaarsiisa heer aysan dib uga soo laaban Karin.

Dhanka kale waxaa dhacda ruux fursad u haysta inuu ka rumeeyo hadafkiisa, daruuf ka horistaagayso aysan jirin ka guul keenida hadafkiisa,  inuu saameeyo ruuxii shalay ka raja xumeeyay nolosha, waxaa jira waddooyin badan oo uu kusaameyn karo, tusaaale adigo waddada maraya haduu nin asagaada/da’daada ah ah intuu qori kugu sootaago kudhoho waryaa wan ka shakiyay iyo handadaad kulagalo kadibna jirdil kuugudaro, maxaa samayn lahayd?.

Waxaad is weydiineysa war ninkaan awooda uu kudheeryahay waa maxay?  waa qori sow maaha, haddaba maad qaadatid adiguna, taas oo kaa dhigeeyso inaad noqotid sida asaga oo kale misna ku ilaawsiinaysa fursadii gacantaada ku jirtay,  imisa ayay tani kusababtay inay waddadii ifeysay oo ay tiigsanayeen kadoortaan wada mugdi ah.


Nolushu maaha sida ay kuula muuqato haday manta kaa eexato berito ayay ku eexan doontaa, kaliya usamir sugna waqtigaada wuu imaan doonaaye,  yeysan ku saameynin ficilada shaydaan, yuusan kaa indha saabin naxariisa Allah, noqo qof leh hami iyo hadaf fog mar walba, noqo qof saameyntiisu xoogantahay, hanoqon qof u fudud in lasaameeyo, hana noqon qof si fudud looga weecin karo waddadiisa. 

dhawaan iga fisha mowduucyo xasaasi ah mahadsanidiin.