Ku Dhaqan Lixdaan Astaamood Oo Gaar Guusha Aad Hiigsanaysid.

Halkaan waxaan kusoo uruuriyay 6 astaamood oo ay ku dhaqmaan dadka guulaystayaasha ah oo noloshaan aynu ku jirno guulo lataaban karo  ka gaaray haday  noqoto Mid Dhaqaale, Aqoon, Ganacsi, Xirfad, iyo  hab maamul wanaagsan.

Si aa u noqto Guulayste Nolasha wax badan ka badala ila qaado Talooyinkaan lixada ah:

1-    Cibaado:

Awood inaga wayn ayaa maamusha aduunyadan Allah ayay kaawnkan amarkiisa ku soscodaa haadii Allah raali kaa ahayn oo xiriirka aad la leedahay uusan ahayn mid Hagaagsan oo adag way adagtahay inaad nolosha aad ka gartid guulo la taban karo.

 Sidaan wada ognahay bini-Adamku waxuu ka koobanyahay ruux, jir iyo moraal ama niyad, ruuxdaada ayaa ah mashiinka uu ku socdo qolofka Aadanuhu, markasta oo ruuxdaada hagaasto/daciifto oo quudkeedu yaraado waxaa adkaanaysa inaad horay usocoto, cibaadadu waa quud ruuxeed marka ruuxu sameeyo waxa uu dareemaa  amni, bad-qab iyo deganaasho, hadaad rabtid inaad talaabo horay u qaado waxaa waajib  kugu ah in ruux wayn, dhisan, awood leh oo quudkeeda si maalin-la ah u hesho ay kugu jirto.

2-    Isdhiirigelin:

Qofku waa in uu naftiisa dhiirigliyaa, isla khalwaysto, uu dhagaysto ama uu aqriyo qoralo dhiiri gelinaya oo hiraalkiisa iyo hamigiisa kor uqaadaya niyaddiisana ugu bishaaarayna inay jiraan wax badan uu qaban karo, waa qodob moralkaada iyo niyaddaaduba aysan marnaba kamaarmaynin.

Marana haka sugin qof inuu ku dhiirigaliyo, noqo qof ku tarbiyeeya naftiisa si ay u gaarto mustqal iyo isku filanasho buuuxada.

Adduunyada laba cod ayaa jira oo kuu diidaya inaad aaminto noloshu inay fursado kuu hayso, cod adiga dhaxdaada ka guuxaya oo aad iskula hadasho misna ku yiraahdo maqaban kartid, manoqon kartid, kuuma suurtagal aha, waa lagaaga dhaw yahay, waxba kuuma yaalan aduunyada oo qayrkaa ayaa horay wax uga keeni waayay cod waa kaa halka midka kale uu yahay cod dadka kaa ag dhaw kasoo yeera oo kaaga hadlaya waxyaabaha kuu suurtagalka ah iyo waxyaabaha aan kuu suurtagalka ahayn, kaliya waxa kuu suurtagalka ah waxaa ogaan kara Allah wayn kasokoow  adiga oo kaliya ,waa inaa muujisaa mar kasta dadaal dheeri ah.

Codadkaas si aad uga badbaadid waa inaad si maalinla ah isku dhiirigelisaa naftadana aad waqti laqaadataa misna siisaa quud niyadeed taasna waxaad ka macashaysaa in hamigaadu sii fogaadu oo aad dareento suurtagal ahaanshaha iyo inay dhaboobi karaan waxa aad ku fakaraysid sido kale inaad ka arinsato noloshaadu halka ay hadda joogto iyo halka ay ku socoto, waxay kaa caawinaysaa is maamul nafeed iyo inaad noqoto ruux dhanwaliba iska warhaayo.

3-    Aqris:

Guulaystuhu marka uu  tooso kadib waxa uu  aqriyaa 30-40bog maalinkasta 20bog oo aad maaalin walba aqriso waxay sababi kartaa in isbuuc kasto aad dhamayn karto hal bug bil walbo aad dhmayn karto 4buug sanad kasto aad dhamayn karto celcelis ahaan 50buug taasina waa korriin ruuxi ah, caqligaada oo siyaaada , ogaalka aad ka haysato aduunyada oo kordha, markaad waxabadan ogtahay ayaadna wax fiican qaban kartaa.

4-    Qoraal:

 guulaystayaashu waxay qoraan qorshaha ay malintaas leeyihiin waxayna u kal sameeyaan wax walba muhiimmada ay kala leeyihiin, taasi waxay kaa caawinaysaa inaad Ujeeddadaada duljoogtid marwaliba waxkasta oo kaa mashquulinkarana ka howshootid oo aad kasoo dhawawatid, waxaa kale oo muhiim ah inaad samaysatid xasuusiye midka ku dhegga derbiga ama gidaarka sidaad u taqaanid misna aad ku qortid qorshaha aad leedahay maalinta kadibna aad ku dhegsatid gaarigaada, miiska xafiiskaada iyo meelaha ugu badan ee ishaadu ku dhacdo inta aad ku jirtid howl maalmeedkada si ay kuu xasuusiso waxii maalintaa aad ugu talagashay inaad qabatid halka ay marayaan.

5-    Layli Jireed (body exercise):

 kasokoow inaad ka heleeysid caafimaad badan iyo fur-furnaan waxyaabaha uu gaar ahaan faaiido u leeyahay ee aad marnaba uga maarmaynin waxaa kamid ah, waxay kuu saamaxaysaa inaad tahay ruux iska warhayo, qof tamar badan haya iyo inaad u firfircoonaato howl maalmeedkaada.

6-    Waxbixin:

wax bixintu wa siffo dadka nolosha derejooyinka sare kaga nool ay leeyihiin si maallinle  ahna usameeyaan, inaad wax bixisid waxaad ka helaysaa qaninimo qalbi ah, waxad daremaysaa naxariis iyo inaad dhigto naftaada halka uutaaganyahay ruuxa aad waxsiinaysid, waxaad dareemaysaa oo aad arkaysaa muhiimmada naftaadu ay uyeelaynayso dadka aad wax siisay,  waa sunan Ilaahi ah in ruuxu waxa uu bixiyo Allah usoo celiyo waliba ayagoo lalaba jibaaray, ruuxna wax kuma waayo wax bixinta, inta adoon uu ku howlanyahay caawinta walaalkii ayuu Allah ku howlanyahay caawintiisa.

Lixdaan siffo ama lixdaan dhaqan ayaa u ah tiirarka aasaaiga ay leeyihiin dadka guulaystayaasha ah ee nolosha dhinacyadeeda kala duwan meela sarsare ka gaaray mana dhacdo inay gurigooda kasoo baxaan ayagoon intaas samaynin, waa inaad adiguna dhaqanaadaan iyo caadooyinkaan ka dhigataa kuwa noloshaada haga si foojignaan leh aad usamaysaa maalin walba kuna salaysaa noloshaada si aad u garto guusha aad hiigsanaysid.

Hadii aad si saxan u qaadato Talooyinkaan islmarkaana aad joogtayso ku dhaqnanka caaadoyinka kor ku xusan hubaal waxaa ah inaad Gaaraysid Guuusha Nolasha